Pren Bushaj, banues në Ishëm, Durrës është arrestuar për veprat penale “Shfrytëzimi i prostitucionit”, në rrethana rënduese dhe “Mbajtja e lokaleve për prostitucion”.
I arrestuari ishte dënuar me 2 vite burgim nga Gjykata e Apelit në Durrës.
“Specialistët për Hetimin e Trafiqeve të Paligjshme dhe Narkotikëve në DVP Durrës, në bashkëpunim me Postën e Policisë Manzë, bënë të mundur ndalimin e shtetasit në kërkim Pren Bushaj, banues në Ishëm, Durrës, pasi Gjykata e Apelit Durrës, me vendimin e datës 31.03.2022, e ka dënuar këtë shtetas me 2 vite burgim, për veprat penale ‘Shfrytëzimi i prostitucionit’, në rrethana rënduese dhe ‘Mbajtja e lokaleve për prostitucion'”, njoftoi policia.
Pren Bushaj akuzohet se shfrytëzonte për protitucion lokalin e tij në Sukth. Sipas hetimeve, kanë qenë rreth 12 vajza të cilat mendohet se kanë ushtruar prostitucion në këtë lokal, duke u maskuar sikur punonin kamariere.
