Edi Paloka dhe Eleina Qirici janë dy kandidaturat për kryetar të Këshillit Kombëtar.
Të dy emrat do të votohen nga anëtarët e Këshillit Kombëtar në mbledhjen që pritet të nisë në orën 18:00 të pasdites së sotme.
Paloka ka mbajtur funksionin e Kryetarit të Këshillit Kombëtar të PD deri pak muaj më parë, kur u shkarkua nga Lulzim Basha.
Përballë Palokës garon ish-deputetja e Qarkut të Korçës dhe pedagogia, Eleina Qirici. Të dy emrat e kandidatëve janë shpallur gjatë mbledhjes së Komisionit të Rithemelimit, e cila zhvilloi takimin e rradhës para nisjes së mbledhjes së Këshillit Kombëtar.
Këshilli Kombëtar i PD do të votojë për kryetarin si dhe do të diskutojë për Presidentin e ri.
