Këngëtarja dhe ish-banorja e “Big Brother VIP”, Sheila Haxhiraj ka sqaruar të vërtetën e historisë që fshihet pas këngës së saj të fundit që bëri bujë në rrjet.
Pak javë më parë ajo solli projektin e ri me titull “Makalina”, që ende pa u publikuar, ngjalli shumë polemika për shkak të pozave sensuale të saj me një vajzë.
Më pas, në një intervistë Sheila u shpreh se kjo këngë është bazuar në një histori të vërtetë të sajën dhe ngriti dyshimet se këngëtarja ka patur lidhje me një vajzë.
Artistja ka treguar sot se kënga i dedikohet një shoqeje që ka ndërruar jetë për shkak të leuçemisë dhe që ka qenë si motër për të.
“Makalina është bazuar në histori personale. Para shumë vitesh kam humbur një prej mikeshave të mia më të mira e cila nuk i ka shpëtuar dot sëmundjes së leuçemisë. Këtë histori vendosa ta shpreh përmes këngës. Ishte më shumë se një shoqe, ishte motër. Kam qarë, qeshur me të. Ka ditur shumë gjëra të miat. Një motër do thoja.”– u shpreh ajo në “Wake Up”.
