Zbulimet e bëra nga dëshmitari i parë i thirrur në gjykatë nga ekipi ligjor i aktores Amber Heard kanë shkaktuar bujë.
Ditën e djeshme ka dëshmuar doktoresha Don Hughes, një psikologe mjeko-ligjore me bazë në Nju Jork, e cila përshkroi në gjykatë përvojat tronditëse të dhunës seksuale që Heard pretendon se kishte përjetuar në duart e Depp.
Hughes i tha gjykatës se Heard vuan nga PTSD, shkaku i së cilës është dhuna në familje nga ish-partneri, Johnny Depp. Diagnoza e Hughes, shpjegoi ajo në gjykatë, bazohej në një ekzaminim të provave në dosjen e çështjes, intervista personale me Heard për një total prej 22 orësh dhe diskutime me mjekët dhe nënën e 36-vjeçares përpara se ajo të ndërronte jetë.
Hughes ndau me gjykatën skenat e dhunës së egër seksuale të përshkruara nga aktorja, me autor ish-bashkëshortin e saj. Në veçanti, ajo tha se kur Depp ishte i dehur ose nën efektin e drogës, ai e hidhte Heard në shtrat, i griste këmishën e natës dhe përpiqej të bënte seks me të.
“Ai e detyroi të bënte seks oral me të kur ai ishte i zemëruar. Këto nuk ishin momente dashurie, ishin momente detyrimi”, tha ajo në mënyrë karakteristike.
Një herë tjetër Depp “kishte futur gishtat në pjesët intime të Heard dhe filloi ta kapte me dhunë ndërsa ishin bashkë në dollap. Një nga episodet më të këqija ishte ai në Australi, gjatë të cilit Depp vrau dhe gishtin gjatë një zënke. Në atë episod, Heard pretendon se Depp vendosi një shishe brenda trupit të saj. Siç dëshmoi Hughes, gjithmonë bazuar në atë që i thoshte aktorja, kur e goditi dhe ia shtrëngoi fytin duke i thënë se e urrente dhe donte ta vriste Heard mendonte “Zoti im, shpresoj që të mos jetë (shishja) e thyer.”
Pas sulmeve seksuale, siç kishte rrëfyer tek psikologia, trupi i saj kishte të mavijosura, prerje dhe ndjente dhimbje në vaginë.
