Një 31-vjeçar shqiptar është arrestuar nga policia në Gjermani të Dielën, në aeroportin e Karlsruhes.
Mediat gjermane, duke iu referuar një njoftimit të policisë këtë të Martë, raportojnë se ai ishte shpallur në kërkim ndërkombëtar për vrasje nga autoritetet në Britaninë e Madhe.
Sipas mediave, shqiptari mbërriti të Dielën në Gjermani me një fluturim nga Shqipëria.
Gjatë kontrollit, rezultoi se ai kërkohej nga autoritetet britanike për vrasje.
Pritet ekstradimi drejt Britanisë i Shqiptarit, gjeneralitetet e të cilit nuk bëhen me dije nga raportimet e mediave gjermane.
