Anëtari i Këshillit Kombëtar të PD-së, Eno Bozdo thotë se politikisht është në interes të kësaj force politike që kryeministri Edi Rama ta zgjedhë vetë Presidentin e Republikës.
Në emisionin “Sot” në “Euronews Albania”, Bozdo u shpreh se në këtë mënyrë do të bëhej realitet teza që Rama ka okupuar të gjitha pushtetet në vend.
“Politikisht, nëse duam të jemi cinik deri në fund, është në interesin e plotë të Partisë Demokratike që Rama të emërojë edhe Presidentin e Republikës me një klloun nga xhepi i tij. Pse? Sepse teza që Rama ka okupuar të gjitha pushtetet bëhet realitet”, tha Bozdo.
Lidhur me situatën brenda Partisë Demokratike, Bozdo deklaroi se grupi i deputetëve kundër ish-kryeministrit Sali Berisha duhet të respektojë vullnetin e shumicës.
