Prokuroria e Tiranës kërkon “arrest me burg” për katër anëtarët e familjes Sulaj, ndërsa detyrim paraqitje për dy punonjësit e OSHEE, që iu gjetën bimë narkotike në një vilë në Kashar.
Të arrestuarit në kushtet e flagrancës janë Xhevrije Sulaj, Shqipe Sulaj, Luan Sulaj, Ylli Sulaj, Lutfi Basha faturist, Rifat Kuçi me detyrë elektriçist pranë OSHEE, dhe u procedua penalisht shtetasi Z. V, kryeplaku i fshatit, për moskallëzim krimi.
Këta persona në bashkëpunim me njëri-tjetrin, në zonën e Kasharit kishin përshtatur katin e dytë dhe të tretë të një vile një banesë të tillë, për të kultivuar bimë narkotike kanabis sativa. Banesa rezulton në pronësi të Xhevrie Sulajt.
Të arrestuarit Shqipe, Luan dhe Ylli Sulaj në bashkëpunim me njëri-tjetrin, kanë përshtatur banesën e Xhevrie Sulajt, për të kultivuar bimë narkotike.
Policia sekuestroi 253 bimë kanabis të kultivuara në vazo, ushqyes elektrikë, llamba elektrike, freskuese dhe 6 aparate celulare. Sipas njoftimit, policor, “veprimtaria ishte mjaft të rrezikshme, sepse kishim një ndërtesë 4-katëshe e përshtatur për kultivimin e bimëve narkotike, bashkëpunim, sigurim mjetesh e pajisjesh”.
