Rafael Leao, një portugez që mund të rikthejë në Milano një titull që mungon që prej 11 vitesh. Milani vuan shumë por 8 minuta nga fundi ia del të thyejë Fiorentinën për të mbajtur në distancë sigurie Interin ndjekës. Përballje e komplikuar në stadiumin “San Siro” të tejmbushur nga rreth 80 mijë të pranishëm të cilët vuajtën jo pak.
Gol me aromë titulli nga shtatlarti luzitan që ashtu si e gjithë skuadra e Milanit nuk arriti të ishte i kthellët për të shënuar me rastet që iu krijuan edhe më parë. Milani hipotekon një ndeshje shumë delikate ku gjatë pjesës së parë nuk arriti të godiste asnjëherë në portë dhe 3 javë nga fundi, i nevojiten vetëm 7 pikë, ose më saktë 2 fitore dhe 1 barazim, për ta bërë ëndrrën realitet. Në anën tjetër të qytetit të Milanos kanë nisur të planifikojnë festën por fillimisht duhet të mendojnë edhe për 270 minutat e fundit të sezonit.
