Një 23-vjeçar shqiptar është dënuar me 1 vit burg nga gjykatat britanike, pasi u kap duke transportuar drogë me furgon.
Ajo që çoi në arrestimin e shqiptarit Andrea Shani ishte gabimi në rrugë pasi u kap duke ecur kundravajtje.
Në momentin kur policia i ka bërë me shenjë të ndalojë, i riu ka braktisur mjetin dhe është larguar, por pa sukses. Ai u kap në urën e famshme ‘Humber’ ndërsa para togave të zeza ai pranoi posedimin e drogës dhe transportin e saj me furgon.
Mediat raportojnë se ai posedonte 76 bimë kanabisi me një vlerë të konsiderueshme monetare nëse hidhej në treg.
Për shkak të kohës së kaluar në paraburgim, Shani me shumë mundësi do të lihet i lirë dhe më pas të deportohet drejt Shqipërisë.
