Boris Becker, ish-numri i botës në tenis, i dënuar me 2.5 vjet heqje lirie nga një gjykatë londineze për krime fiskale, ka nisur ta vuajë dënimin në një nga burgjet më të kqeinj të Britanisë. Sipas “Daily Mail”, si duhet të bëjë kujdes pasi cilësia e ditëve të të burgosurve është shumë e keqe.
Burgu i Wandsworth është një ndërtesë viktoriane 170-vjeçare ku ndodhen momentalisht 1300 njerëz por për shkak të kushteve të këqija dhe mungesës së higjenës, minjtë janë kudo. Të burgosurit kalojnë 22 orë në qeli ndërsa abuzimet me drogën dhe problemet e shëndetit mendor janë të theksuara. Mesatarisht, personeli duhet të përdorë forcën 4 herë në ditë për të disiplinuar njerëzit e mbyllur në qeli.
Sipas të gjitha gjasave, ish-tenisti do të kalojë rreth 15 ditë në sektorin e kategorisë B dhe më pas do të kalojë te kategoria C. Menjëherë pas vendimit të gjykatës, Becker u zhvendos në burg ku mori vetëm një qese me gjerat personale ndërsa gjatë itenerarit deri në burg ai sigurisht që ka parë nga dritaret edhe kompleksin e Wimbledon ku në vitin 1985 në moshën 17-vjeçare bëri historinë duke fituar kupën.
