Një 50-vjeçare është arrestuar ditën e sotme nga policia, pasi kjo e fundit ka gjetur kanabis në parukerinë e saj.
Blutë bëjnë me dije se në kuadër të operacionit të koduar “Beauty salon”, ka rënë në pranga shtetasja Z. S., 50 vjeçe, banuese në Tiranë, sakaq është shpallur në kërkim bashkëpunëtori i saj shtetasi A. B.
Policia ka sekuestruar një sasi lënde e dyshuar narkotike cannabis sativa, e ndarë në doza gati për shitje.
Nga hetimet e kryera ka rezultuar se shtetasi A. B. e fshihte sasinë e lëndës narkotike të ndarë në doza, në parukerinë e shtetases Z.S., në rrugën “Dhimitër Shuteriqi”.
