Në Task Force në SYRI TV , anëtari i Komisionit të Rithemelimit, Arben Ristani, ka komentuar Kuvendin Kombëtar të PD-së gjatë ditës së sotme dhe risitë.
Ristani theksoi se Kuvendi i 11 dhjetorit ishte hapi i parë që i hapi rrugën rithemelimit të PD-së dhe se bashkë me kuvendin e sotëm kanë për qëllim zgjidhjen e krizës brenda partisë.
“Nuk është ky kuvend i parë drejt rithemelimit, hapi i parë i rithemelimit i takon Kuvendit të 11 dhjetorit. Këto janë dy kuvende që erdhën për të zgjidhur krizën në PD dhe fillimi i zgjidhjes së krizës ishte Kuvendi i 11 dhjetorit dhe kuvendi madhështor ishte ai i 11 dhjetorit për mënyrën se si u mblodh, për pjesëmarrjen, spektaklin vendimmarrjen dhe të gjitha.
Kurse ky kuvend kishte një detyrë të përcaktuar që të konsolidonte rrugën e rithemelimit të çelur në 11 dhjetor dhe detyra ishte të zgjidhte Këshillin Kombëtar. Objektivi dhe detyra parësore ishte zgjedhja e Këshillit Kombëtar.
Pati dhe pak ndryshime statusore por thelbi është bërë në 11 dhjetor. Këtë herë për shkak të situatës në PD u vendos që grupi parlamentar të mos hynte me votë por në mënyrë automatike në Këshillin Kombëtar”, tha Ristani.
