Anëtarja e Komisionit të Rithemelimit të PD, Edit Harxhi është shprehur se vota e anëtarëve të PD, ku do të mbahet Kuvendi Kombëtar është shumë e rëndësishme.
Në një intervistë për RTV Ora të Premten, Harxhi tha se demokratët shqiptarë, nuk janë të përçarë.
“Vota e anëtarëve, është shumë e rëndësishme dhe baza e PD janë anëtarët e saj. Demokratët shqiptarë nuk janë të përçarë, flas këtu për demokratët e thjeshtë. Ata janë të bashkuar”.
Teksa ka folur për Kuvendin Kombëtar ajo tha se do të jenë 150 anëtarë të Këshillit Kombëtar ndërsa shtoi se ata do të jenë konsensual. Ndër të tjera ajo tha se në këtë Kuvend do të marrin pjesë dhe ata që Lulzim Basha i ka larguar.
“Do zgjidhen 150 anëtarë të Këshillit Kombëtar. Risia e kësaj lste është fakti se aty janë të rinj konservatorë. Ne jemi duke u hapur drejt qytetarisë shqiptare dhe mendoj se kjo nuk do ndaloj vetëm me Këshillin Kombëtar por edhe të tjerë. Berisha ka bërë thirrje në PD të gjithë të larguarëve nga Basha. Besoj se nesër do të kemi fjalime interesante. Topalli ka një pozicion të veçantë. Nesër do të jenë edhe Murrizi, Rudina Hajdari, pra janë shumë emra që janë larguar”.
Përsa i përket akimimit në Gjykatë për rrëzimin e Kuvendit të 11 dhjetorit, nga Enkelejd Alibeaj, Harxhi tha se ky i fundit nuk është person juridik dhe nuk ka të drejtë për të përfaqësuar PD-në.
“Mundet të ndodh që Gjykata të vazhdojë në paligjshmërinë e saj, siç ndodhi dhe me pranimin e një apelimi nga një palë e tretë që është e panjohur për ne, sepse Alibeaj nuk është person juridik përsa I përket të drejtës për të përfaqësuar PD-në”.
