SHMU në parashikimin e motit për ditën e diel informon se temperaturat e ajrit janë në rritje, por një paqëndrueshmëri e lehtë, për shkak të stinës së pranverës, mjafton të kthejë motin nga të kthjellët në të vranët si dhe rreshje shiu afatshkurtra por të rrëmbyeshëm.
Në këtë mënyrë parashikohet që dita nis fillimisht me diell e vranësira kalimtare.
Më pas në orët e nxehta të ditës (mesditë deri pasdite) ka shtim vranësirash deri në të dendura kryesisht relievet kodrinore – malore.
Në një pjesë të madhe të territorit vranësirat do të shoqërohen me reshje shiu të dobta dhe lokale. Por përreth zonave malore reshjet në kohë afatshkurtër do të jenë në formën e rrebesheve dhe stuhive shoqëruar me shkarkesa elektrike dhe breshër. Këto rreshje hera-herës janë të rrëmbyeshme.
Era do të fryjë me drejtim verilindje – veriperëndim dhe shpejtësi mesatare 1-8m/s ndërsa në bregdet dhe lugina era hera-herës intensive dhe shpejtësi që arrinë deri në 12-15m/s.
