Ish-Kryeministri Sali Berisha deklaroi pasditen e sotme se nuk do të ketë asnjë pasojë apo vendim kundër deputetëve që nuk ishin prezent në Kuvendin Kombëtar të PD-së.
Berisha tha se është në ndërgjegjen e çdo deputeti që të bëjë zgjedhjen e tij, por 6 marsi tregoi se ku është shumica.
“Ky ishte Kuvendi i bashkimit të demokratëve. Partia Demokratike sot është e bashkuar. Ka një rupturë mes bazës së partisë dhe një grupi deputetësh, por mendoj se kjo është e rikuperueshme.
Sot u vendos shkarkimi i Enkelejd Alibeajt, të emëruarit nga Gazment Bardhi. Vendimi i Kuvendit të sotëm do të zbatohet dhe Alibeaj nuk është më Kryetar i Grupit Parlamentar të PD”, tha Berisha.
Sipas tij, Lulzim Basha mbetet anëtar i Grupit Parlamentar të PD, sikundër edhe Alibeaj dhe çdo deputet tjetër.
“Sot u mor një vendim ndaj personi që është emëruar nga Gaz Bardhi. Grupi i ekspertëve do përcaktojë procedurën e emërimit, duhet të jetë një nga nënkryetarët e partisë. Nuk kam asnjë emër se varet kush votohet për nënkryetar”, tha ai.
Deklarata nga Berisha pas votimit
Të asistoni në procesin e votimit të Këshillit Kombëtar në përbërjen e të cilit gjenden nga themeluesit e ditëve të para të themelimit deri te anëtarët më të rinjt të saj. Gjenden militantë dhe veprimtarë të pamposhtur por gjenden edhe intelektualët më të mirë me qëllimin e kthimit të kësaj force polike në forcë fitimtare. Ky proces shënon dhe përfundimet e punimeve të Kuvendit të PD-së me sukses të plotë siç theksova dhe në fjalën time, ky Kuvend mund të quhet Kuvendi i përfundimit të kryetarokracisë dhe presidentokracisë.
Ky Kuvend vendosi në piedestal një elitë të re në krye të PD-së e tëra e zgjedhur me parimin një anëtar një votë, në përputhje me kushtetutën tonë të lirisë, të vetëdeklaruar apo të propozuar për postin që ata kanë marrë. Vendosja e këtij modeli në përfaqësim ka një rëndësi të jashtëzakonshme që anëtarët e PD-së të ndien të përfaqësuar por që edhe të zgjedhurit të ndien plotësisht të detyruar ndaj zgjedhësve të tyre. PD do bëjë gjithçka qës këtë model ta promovojë në mbërë shoqërinë shqiptare.
Kuvendi zgjedh sot Kuvendin Kombëtar dhe risia është se çdo votë do tregohet para kamerave tuaja dhe ndiqeni se ju garantoj se e gjithë kjo rrokullisje e madhe e demokracisë e ka fillimin te shkelmimi i votës së lirë fillimisht brenda forcave politike mjerisht atë e shembull që instaloi Edi Rama sipas të cilit për kryetarin nuk votohet, fatkeqësisht atë model përshtati edhe ish-kryetari i PD-së në shumë procedura të saj dhe ndaj komisioni ka vendosur që çdo fletë votimi ta nxjerrë para jush dhe ftoj çdo kandidat ta ndjeki në salllë çdo votë.
Përmbysja e modelit të mëparshëm të përfaqësimit ka një rëndëi të jashtëzakonshme për vlerësimin e demokratëve por edhe të qytetarëve dhe ju garantoj se nesër në pushtet është edhe garancia më e madhe kundër autokracisë dhe sundimit të saj, gjë e cila do ti bënte Shqiërisë ato dëme që i bën sot kreu i organizatës kriminale më të rrezikshme në Europë, Edi Rama me qeverinë e tij.
