Një vajzë 14-vjeçare që fitoi medalje të arta në kampionatin kombëtar të peshëngritjes së Ukrainës është vrarë nga bombardimet ruse në Mariupol, ka thënë këshilli i qytetit.
Alina Peregudova ishte kandidate për kombëtaren e Ukrainës dhe aspironte të përfaqësonte vendin e saj në nivelin më të lartë.
Sportistja premtuese nga rajoni i Donetsk-ut humbi jetën nga predhat e armikut. Në sulm u vra edhe nëna e saj.
Alina ishte një nxënëse në Kolegjin Rajonal të Specializuar Profesional të Sporteve në Donetsk dhe në Kolegjin e Rezervës Olimpik Serhiy Bubka, – raporton BBC.
“Paqja ruse” po vret. Mariupol dhe bota nuk do ta harrojnë kurrë krimin e Rusisë kundër njerëzimit.”-shtoi këshilli.
Departamenti i Kulturës Fizike dhe Sporteve të Ukrainës tha: “Është e vështirë të gjesh fjalë për të përcjellë ngushëllimet më të thella për të gjithë ata që njohën të humburit.
