Lëvizja e mjeteve në rreth-rrotullimin e TEG-ut do të ndryshojë nga nesër, më 30 prill, pasi punimet në këtë aks rrugor, siç njofton ARRSH, kanë hyrë në një fazë të re.
Autoriteti Rrugor Shqiptar (ARRSH) bëri me dine se do të fillojnë punimet për nënkalimin e aksit kryesor.
“Duke filluar nga nesër datë 30.04.2022 trafiku i makinave do të spostohet në rampat anësore hyrëse dhe dalëse të rrethrrotullimit”, njoftoi ARRSH.
Hyrja në TEG do të bëhet me një sens lëvizje, vetëm hyrje. Dalja do të bëhet nga mbrapa TEG-ut në anën veriore.
ARRSH kërkoi mirëkuptimin e përdoruesve të rrugës dhe drejtuesve të mjeteve.
