Një aksident ka ndodhur këtë të Premte në Elbasan, ku ka mbetur e plagosur një 21-vjeçare. E reja është përplasur nga një automjet dhe është transportuar në spital në gjendje të rëndë.
“Rreth orës 10:00, në unazën e qytetit, shtetasi K.S., 25 vjeç, duke drejtuar automjetin tip ‘Benz’, ka aksidentuar shtetasen A.H., 21 vjeçe, këmbësore, e cila u dërgua në Spitalin Rajonal Elbasan, për të marrë ndihmën mjekësore”, njoftoi policia.
Drejtuesi i mjetit po shoqërohet në ambientet e Policisë, për veprime të mëtejshme, ndërsa grupi hetimor ndodhet në vendngjarje dhe po punon për sqarimin e rrethanave të aksidentit, shtuan të njëjtat burime.
