Avokati Genc Gjokutaj komentoi në emisionin ‘Çim Peka Live’, shkarkimin e prokurores Elisabeta Imeraj.
Gjokutaj deklaroi se procesi nuk ka qenë i rregullt ndërsa theksoi se Imeraj është një prokurore model.
Sipas avokatit nuk ka qenë e thjeshtë për një prokurore femër si Imeraj që të përballej me grupe kriminale pranë pushtetit.
“Nuk flitet për një proces të rregullt ligjor por presion i hapur për interesa. Nuk mund të ketë diametralizma të tillë. Imeraj është një prokurore model.
Nuk është e thjeshtë që një femër si Elisabeta Imeraj të përballet me grupe kriminale pranë pushtetit.
Të heqësh njerëz të tillë nga sistemi i drejtësisë nuk është normale.”-deklaroi Gjokutaj.
