Carmine Raiola, i njohur nga të gjithë si Mino, lindi në Nocera Inferiore (Itali) më 4 nëntor 1967.
Kur ai ishte një vjeç, familja e tij u transferua në Haarlem, Holandë, për t’iu përkushtuar biznesit të restoranteve. Që në moshë shumë të vogël, ai ka ndihmuar prindërit duke qenë kamarier, aktivitet që nuk e pengoi të mbarojë shkollën e mesme dhe të fillojë të ndjekë Fakultetin e Drejtësisë.
Një punë që falë një shakaje të Mihajloviçit do ta shënjonte përgjithmonë me pseudonimin “kuzhinieri i picave” edhe pse siç do të thotë më vonë: “Nuk kam bërë asnjë picë në jetën time. Nuk di madje as sesi bëhet. Por, iu kam çuar shumë pica mysafirëve të restorantit të prindërve të mi”.
I pikasur për një inteligjencë tej të zakonshmes, ai është veçanërisht i prirur të mësojë gjuhë të huaja (raportohet se flet italisht, holandisht, anglisht, gjermanisht, spanjisht, frëngjisht dhe portugezçe).
Pasi luan në ekipet e të rinjve të Haarlemit, bëhet përgjegjës për skuadrën në moshën 20-vjeçare përpara se të mbante postin e drejtorit sportiv të klubit holandez dhe të themelonte një kompani të transferimit të futbollit.
Pika e kthesës vjen në vitin 1992 kur ai solli Bryan Roy në Foggia, një vit përpara se të vepronte si ndërmjetës në negociatat midis Ajax-it dhe Interit për Dennis Bergkamp dhe Wim Jonk. Bëhet agjent i FIFA-s dhe themelonn kompaninë Sportman, me qendër në Montecarlo.
Kështu filloi ngjitja në nivelin e lartë duke përfaqësuar kampionë si Nedved, Ibrahimovic, Pogba, Balotelli, Verratti, Donnarumma, de Ligt dhe Haaland. Sipas Forbes, Raiola, në vitin 2020, renditej i katërti në botë mes agjentëve me të ardhura vjetore 84.7 milionë dollarësh duke mbyllur marrëveshje për 847.7 milionë dollarë. Jo veçanërisht i dashur nga drejtuesit e klubeve, ai bëri pasurinë për vete dhe klientët e tij dhe do të mbetet përgjithmonë në historinë e futbollit.
/Përshtatur nga sportmediaset/
Lexo edhe:
