Momente paniku u regjistruan gjatë ndeshjes Ballkani-Drita, të vlefshme për Superligën e Kosovës. Mediat vendase raportojnë se një tifoz ka pasur probleme shëndetësore në tribunë, teksa pësoi një atak kardiak dhe humbi vetëdijen. Ekipet mjekësore të dy skuadrave kanë vrapuar për t’i dhënë ndihmën mjekësore tifozit, i cili i shpëtoi më të keqes.
Pak minuta më parë, futbollisti i Ballkanit, Thaqi publikoi në llogarinë e tij në “Facebook” dy mjekët e
Ballkanit, Krenar Zenelaj dhe Gledi Rexha, si dhe dyshen e stafit mjekësor të Drita, Leotrim Kerqeli dhe Bujar Fazliu.
“Kampionat e vitit” – shkroi mbrojtësi i Ballkanit në fotografinë e publikuar.
Në fund, Ballkani i Ilir Dajës, triumfoi me rezultatin 3-2 kundër Dritës duke iu afruar në vetëm një pikë titullit të parë në historinë e klubit.
POSTIMI I BALLKANIT PËR NGJARJEN:
Gjatë ndeshjes së sotshme kundër FC Drites , një tifozi të klubit tonë i është përkeqësuar gjendja , por falë intervenimit të shpejtë nga mjekët e klubit tonë dhe klubit të FC Drites kan arritur ta shpëtojnë nga më e keqja,
Staffi i klubit ka vizituar tifozin në emergjencën e Prizrenit dhe lajmi i mirë është se gjendja është stabile dhe jasht rrezikut për jetë 
Klubi ynë tifozit në fjalë i dëshiron shërim të shpejtë.
