Mario Balotelli ka reaguar për informacionet e rreme që u raportuan ditën e sotme se menaxheri Mino Raiola ka ndërruar jetë të enjten.
Balotelli, i cili përfaqësohet nga Raiola, kritikoi ashpër lajmet e raportuara nga Italia që thanë se 54-vjeçari ndërroi jetë pas një sëmundjeje të rëndë.
Ai shprehu zemërimin e tij në internet, duke thënë se mediat që ndanë raportet e diskutueshme duhet të kenë “turp”.
“Ju keni nevojë për të qenë të parët? Seriozisht, turp i madh për ju(mediat italiane), për edukimin, respektin, vlerat dhe përgjegjësitë tuaja! Qëndro i fortë Mino!”, ka shkruar në Instagram Balotelli.
