Kryetari i grupit parlamentar demokrat, Enkeljed Alibeaj thumboi këtë të Enjte ish-kryeministrin Sali Berisha, teksa tha se “non gratat” s’kanë të drejtë të dalin në konkluzione.
Në një prononcim për gazetarët jashtë Kuvendit, Alibeaj tha se Presidenti i ri duhet të jetë “një profil politik që të mos ketë të bëjë fare me influencën e votave të Non Gratave”.
“Janë 4 deputetët që nuk kanë të drejtën morale të dalin në konkluzione. Morali politik është se duhet të jetë i afektuar nga vota non grata”, tha Alibeaj.
Deputeti shtoi më tej se Presidenti i ri duhet të zgjidhet me konsensus dhe jo nga mazhoranca e Edi Ramës.
Alibeaj deklaroi se nuk do të jetë pjesë e Kuvendit Kombëtar që do të organizojë Komisioni i Rithemelimit më 30 prill.
“Grupi parlamentar ka zgjedhur një platformë bashkimi që synon jo interesin individual. Interesin e demokratëve dhe interesi i demokratëve e kërkon bashkimin në disa vlera si vota, zgjerimi i anëtarësisë, proces votimi transparent. Kjo përcakton bashkimin e demokratëve. Janë 32, ndoshta dhe më tepër. Këto janë procedura që nuk kanë fare lidhje. Do ta heq kuriozitetin. Është e qartë për këdo sot, që ka një PD, ka një statut të saj, ka organe të PD, ka Këshill Kombëtar ato që janë sot dhe do vazhdojnë të jenë rregullat dhe institucionet e PD-së. Nuk ka dyzim. Çështja është në gjykatë, të presim gjykatën. Kur gjykata flet, të tjerët heshtin”, shtoi ai.
