Një 29-vjeçar është arrestuar nga policia e Gjirokastrës pasi u kap nga policia me 7 refugjatë në makinë.
“Gjatë operacionit, shërbimet e Policisë Kufitare Kakavije kapën në flagrancë, në aksin rrugor Libohovë-Nepravishtë, Gjirokastër, shtetasin Ndriçim Zherri, duke transportuar me automjet, 7 emigrantë të paligjshëm nga vendet MENA, kundrejt fitimit. Në përfundim të veprimeve hetimore, specialistët e Seksionit për Hetimin e Trafiqeve të Paligjshme në DVP Gjirokastër arrestuan në flagrancë shtetasin Ndriçim Zherri, 29 vjeç, banues në Fushë Krujë. Në cilësinë e provës materiale u sekuestruan automjeti dhe dy aparate celulare”, njoftoi policia.
I riu akuzohet për veprën penale “Dhënia ndihmë për kalim të paligjshëm të kufirit”.
