Ish-Kryeministri Sali Berisha e konsideroi të turpshëm faktin se Rektor i Universitetit të Tiranës është Artan Hoxha.
“Ai është gjysëm polic dhe gjysëm rektor, çfarë lidhje ka ai me Universitetin? Ai ka vetëm një lidhje, atë me Edi Ramën.
Rama mund ta çonte te Akademia e Policisë, pasi ky rektori ka qenë një hetues i diktaturës, por është e turpshme që është në këtë pozicion dhe drejton trupat akademike”, tha Berisha.
Gjithashtu ai tha se prej 9 vitesh flitet për kampusin e Universitetit, por tani u zhduk fare.
“E dini pse? Sepse do e merrte Shullazi tenderin, i doli Rektorit dhe i tha ose do ia japësh kësaj zonje, se e ka zgjedhur Edi Rama, ose të zhduk. Shullazi mori dënimin e merituar, por kampusi ku është? U zhduk projekti”, tha Berisha në takimin me pedagogët.
