Një person u arrestua nga policia e Beratit pasi akuzohet se shpërndante drogëra të forta në gjithë qarkun.
Në pranga u vu K.F., 54 vjeç, banues në lagjen “Donika Kastrioti”, Berat.
Sipas bluve, nga hetimet ka rezultuar se ai ka ushtruar veprimtarinë kriminale të shpërndarjes së drogave të forta në doza të vogla në qarkun e Beratit, si dhe ka përshtatur banesën e tij për përdorimin e lëndëve narkotike.
Gjatë kontrollit të ushtruar në banesën e tij, Policia sqaron se gjeti dhe sekuestroi 206 gramë lëndë të dyshuar narkotike heroinë.
