Profesori EdmondTupja ka folur mbi rrezikun e zhdukjes së gjuhës shqipe apo transformimit të skajshëm të saj si pasojë e globalizimin gjuhësor dhe kulturor.
I ftuar në studion e Fax Neës, Tupja u shpreh se beteja që bëjnë ata që e duan gjuhën shqipe ishte gjysma e humbur sepse njerëzit në Shqipëri vendosin interesin ekonomik para çdo gjëje.
“Globalizimi po preku gjuhën, ka prekur ekzistencën e një kombi. Sepse gjuha ngjiz kombin. Marksi thoshte internacionale do të jetë bota e re, tani “globale do të jetë bota e re” thotë Sorosi. Domethënë që zhduken gjuhët dhe zhduken kombet. Dakord, të kemi globalizim ekonomik dhe shkencor të përfitojmë nga njëri-tjetri, por globalizimin e gjuhës dhe kulturës, nuk e pranoj.
Mesa duket beteja që bëjnë ata që e duan gjuhën shqipe është tashmë gjysma e humbur. Më vjen keq që po e them sepse pavarësisht përpjekjeve që po bëjnë gjuhëtarët, po shoh se nuk po fryn erë e mbarë për gjuhën shqipe dhe kombin shqiptar.
Në një vend të varfër si Shqipëria, interesi kryesor është ekonomik dhe shesin jo vetëm votën, por edhe shpirtin për një grusht parash. Kjo mua më pezmaton dhe më hidhëron jashtë mase dhe nuk jam i vetmi fatkeqësisht. Do vijë dita që do themi: Do you parlate shqipish? Që të merremi vesh midis nesh”– u shpreh profesori ndër të tjera.
