Një aksident me tre persona të plagosur ka ndodhur në Tiranë. Burime zyrtare nga policia bënë me dije këtë të Martë se nga përplasja e dy makinave janë dëmtuar dy gra dhe një fëmijë. Të plagosurit ndodhen jashtë rrezikut për jetën.
Po sipas të njëjtave burime, një nga shoferët ishte i dehur.
Në pranga u vu “E.M., 50 vjeç, banues në Tiranë, pasi duke drejtuar mjetin, në gjendje të dehur, është përplasur me mjetin me drejtues shtetasin D.C., 28 vjeç. Si pasojë janë dëmtuar pasagjerët, shtetaset D.L., N.C. dhe një 6-vjeçar, të cilët pasi kanë marrë ndihmën mjekësore në spital, janë larguar në banesë. Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme”, njoftoi policia.
