Prokuroria e Posaçme ka mbyllur hetimet për vrasjen e Behar Sofisë duke çuar në gjykatë dosjen hetimore, me 5 të pandehur.
Leonard Xhixha, Bujar Leza, Skënder Vathi, Xhuljano Visha dhe Ernejt Shyti akuzohen për “Vrasja me paramendim” në dëm të viktimës Behar Sofia, finalizuar në datën 25.2.2021; “Mbajtja pa leje dhe prodhim i armëve, armëve shpërthyese dhe i municionit”, të kryera në bashkëpunim të veçantë, atë të grupit të strukturuar kriminal; “Grupi i strukturuar kriminal” në rolin e pjesëmarrësit dhe “Kryerja e veprave penale nga organizata kriminale dhe grupi i strukturuar kriminal”.
Për të pesët personat e arrestuar më herët, të cilët ndodhen pas hekurave nën masën “arrest me burg”, SPAK kërkon nga GJKKO kalimin e ccëhtjes në gjykim themeli.
Më herët, është raportuar se Jemin Sheraj është shpallur në kërkim si i dyshuar nga SPAK si porositës i vrasjes së biznesmenit Behar Sofia, i cili u ekzekutua në shkurt të vitit të kaluar. Megjithatë, emri i tij nuk është listën e të pandehurve.
“Hetimet vazhdojnë në drejtim të sqarimit të plotë të rrethanave dhe personave të tjerë të përfshirë në këtë ngjarje kriminale”, njofton zyrtarisht SPAK.
Lexo edhe:
