Një 40- vjeçar është arrestuar në Lushje nën akuzën e shkeljes së rregullave të mbrojtjes në punë dhe punësim të paligjshëm.
Prangosja e tij erdhi pas dëmtimit që shtetasi A.F., pësoi gjatë punimeve në firmën ku ishte punësuar në mënyrë të paligjshme.
45-vjeçari ndodhet në spital jashtë rrezikut për jetën.
Materialet i kaluan Prokurorisë për veprime të mëtejshme.
Njoftimi i plotë:
Specialistët për Hetimin e Krimeve në Komisariatin e Policisë Lushnjë arrestuan në flagrancë për veprat penale “Shkelja e rregullave të mbrojtjes në punë” dhe “Punësimi i paligjshëm”, shtetasin L. P., 40 vjeç, banues në Berat, me detyrë administrator dhe drejtues teknik në një firmë ndërtimi, pasi ditën e djeshme, është dëmtuar gjatë kryerjes së punimeve në këtë firmë, shtetasi A. F., 45 vjeç, banues në Berat, i punësuar në mënyrë të paligjshme, i cili ndodhet në spital, nën kujdesin e mjekëve.
Materialet i kaluan Prokurorisë pranë Gjykatës së Shkallës së Parë Lushnjë, për veprime të mëtejshme procedurale.
