Një automjet ka marrë flakë në lëvizje në dalje të tunelit të Elbasanit.
Mjeti është djegur plotësisht, por fatmirësisht nuk ka njerëz të lënduar.
Polica njofton se paraprakisht dyshohet se zjarri ka rënë si pasojë e një defekti në mjet.
“Rreth orës 09:10, në dalje të tunelit Elbasan-Tiranë, ka marrë flakë në lëvizje e sipër dhe është djegur plotësisht, mjeti me drejtuese shtetasen E. D., dhe si pasojë ka vetëm dëme materiale. Paraprakisht dyshohet se zjarri ka rënë si pasojë e një defekti në mjet. Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit”, njofton policia.
