Biznesmeni Ylli Ndroqi, emri i të cilit përfshihet në listën e personave të sanksionuar nga Departamenti amerikan i Thesarit, ka paraqitur kërkesën me shkrim pranë këtij Departamenti, ku kërkon rishikimin e vendimit të renditjes së tij në listën e të sanksionuarve.
Dokumentet janë paraqitur këtë të martë sëbashku me argumentet përkatëse.
Në këtë kërkesë Ndroqi informon se:
-Kundërshton kategorikisht akuzat që rëndojnë ndaj tij;
-Kërkon që të respektohet e drejta e tij që të ballafaqohet me elementët e dosjes;
-Informon Departamentin e Thesarit të SHBA-së për gatishmërinë e tij për një seancë dëgjimore;
-Dokumenton me prova të pakundërshtueshme shkeljet ligjore dhe falsifikimet e kryera ndaj tij në Shqipëri;
Ndroqi zotohet që të informojë publikun për ecurinë e këtij procesi me DASH-in.Materiali është dorëzuar konform kërkesave dhe procedurave të parashikuara nga Departamenti i Thesarit të SHBA-së.
