Këngëtarja Beatrix Ramosaj ka publikuar një foto të babait të saj në rrjetin social Instagram. Këngëtarja ka treguar se sa i mungon i ati dhe se do donte shumë ta kishte pranë.
“Do doja të ishe këtu babi, na mungon vërtet shumë”, ka shkruar Beatrix.
Kujtojmë se në ‘Big Brother VIP’ këngëtarja tregoi momentin e vështirë kur ka mësuar lajmin e ndarjes së tij nga jeta.
“Nuk e kam vujt në atë moment për veten, sa e kam vujt për Albanin. Atë natë kemi nejt në spital, në Prishtinë. Babi qe në koma. Deri në moment të fundit, ata s’donin me më lon se e vogël. Pjesën më të vështirë e kam pas si me ia thon Albanit.
Imagjino, edhe mami stres… Unë sa kisha fillu me u bo shok me babin. Sa kisha fillu me kuptu gjonat. Isha në gjimnaz. ‘Trix’ tha ‘bone naj kafe turke’. Unë e vogël bona një kafe turke. Kishim një tavolinë të bardhë në kopsht në Llapashticë. ‘Trix i babit’ më tha, ‘nëse e gjen një djalë duhesh mu me ardh me më thon të parin’. Edhe unë ‘ok, babi’.
Sa kishte dal koha e internetit. Në Llapashticë nuk kishte njeri, e kishte sjellë kompjuter se gjithmonë ka qenë i fiksuar pas teknologjisë. Albanit ia ndërronte ata telefonat e vjetër një herë në javë. Kishte qejf shumë. E na i mësonte ato me telefona me kompjutera. Kemi pas laptop që në 200-shin, që na e kishte sjellë nga Gjermania dhe shkruante aty gjëra. Kishte dal MSN atëherë edhe vinte mçeftas me pa me çin po flisja. Shumë serioz ka qenë, shumë i drejtë. Unë i kam ngjajt, e kam kokën”- tregoi Beatrix.
