PD njofton se ka administruar disa ankesa nga kandidatët për kryetar, në zgjedhjet që po zhvillohen për drejtuesit e degëve të Partisë Demokratike.
“Pranë Komisionit të Organizimit dhe Kontrollit të Operacioneve Elektorale të Partisë Demokratike kanë mbërritur disa ankesa nga kandidatë pjesëmarrës në garë për Kryetar. Komisioni siguron opinionin publik se po shqyrton me seriozitet absolut çdo ankesë e do bëjë transparencë të plotë të të gjithë procesit zgjedhor”, thuhet në një njoftim zyrtar nga PD.
“Ky është procesi zgjedhor më demokratik e më transparent i zhvilluar ndonjëherë nga një parti politike në Shqipëri. Partia Demokratike do të vazhdojë të bëjë transparencë të plotë të çdo hallke në procesin zgjedhor”, thuhet më tej në njoftim.
