Kryetari i bashkisë së Kievit, Vitaly Klitschko, ka njoftuar se statuja e madhe prej bronzi që simbolizon miqësinë mes Ukrainës dhe Rusisë do të çmontohet. Skulptura e dy punëtorëve qëndron pranë lumit Dnieper që nga viti 1982 por të martën, ajo do të shkëputet dhe hiqet.
Një tjetër statujë e ngjashme do të mbulohet dhe Harku i famshëm i Miqësisë do të riemërohet dhe do të rindizet në ngjyrat e flamurit të Ukrainës.
Një qytetare, Mariah tregon: “Ky monument nuk është i rëndësishëm për ne apo historinë tonë.”
“Ne nuk kemi qenë kombe vëllezër me Rusinë për tetë vitet e fundit. Nesër duhet të jetë një ditë e madhe për kombin tonë. Që nga 24 shkurti, Rusia na ka shkatërruar.”
Edhe Sergei thotë se nuk do t’i mungojë statuja: “Jam dakord me vendimin, nuk kam asnjë keqardhje nga ana ime. Miqësia jonë me Rusinë u shkatërrua në vitin 2014. Ne nuk kemi më nevojë për këtë skulpturë.”
