Një 20-vjeçar shqiptar ka mbetur i plagosur pas një sherri masiv me thika që ndodhi në Genova. Ngjarja ka ndodhur në orët e para të së shtunës, ndërsa raportohet se i riu shqiptar u transportua në gjendje të rëndë në spitalin San Martino.
I riu ka marrë një plagë në gjoks dhe u dërgua menjëherë në repartin e reanimacionit ku edhe u intubua, por aktualisht gjendja e tij i është përmirësuar dhe i janë hequr tubat.
Ai është në gjendje arresti nga policia, me shumë gjasa për shkak të sherrit ku edhe është plagosur.
Dinamika e ngjarjes ende nuk dihet, por duket se ka qenë sherr për larje hesapesh me pjesëmarrjen e rreth 15 të rinjve në terminalin e trageteve në Genova.
Policia arrestoi në vendngjarje pesë shqiptarë të tjerë, për dëmtim personi.
Autoritetet po shohin filmimet e kamerave të sigurisë në zonë për zbardhjen e plotë të ngjarjes dhe identifikimin e të gjithë pjesëmarrësve.
