Deputeti Erion Braçe ka reaguar i revoltuar për faktin se zyrat e shtetit ishin të mbyllura ditën e sotme, si ditë pushimi, ndërsa bujqësia e ka ditë pune.
Në rrjetet sociale, Braçe shkruan se sot administrata e ka pushim, por bujqësia kërkon naftën dhe ujin për vaditje.
Reagimi i plotë i Erion Braçes
ËSHTË E HËNË, DITË PUNE APO JO?! Bujqësia kërkon NAFTËN dhe UJIN PËR VADITJE!
Sot në mëngjes, Andi Kaca e Aldi Dupi, dy djem poshte të 30-ave që merren me BUJQËSI në Çermë Sektor/DIVJAKË, janë në punë, në fushat e Tërbufit; të dy kishin një hall; NAFTËN PËR MEKANIKËN BUJQËSORE! PO VONOHET-klithin.
Misri po dështon për mbirje, ka 10 ditë i mbjellë, nga thatësira e nevoja jetike për uje; na duhet nafta për pompat; erdhi vakti të korrim jonxhat e na duhet nafta për mekanikën; shkurt e qartë, kaq.
Aaaaa po, është edhe ky rresht: NA SHIH PAK NE NË TËRBUF PËR NAFTËN SE EDHE 7 DJEM TË RINJ KANË MBETUR QË MBJELLIN TOKA! Kam qe javën e parë të janarit që u flas e flas për naftën dhe ujin;
Ju një daulle: Gënjen Erioni se do ti zërë vendin Fridës!
500 tonë naftë e shpërndarë është një gotë me ujë në fushat e Myzeqesë! Nxirrini nga halli i BUROKRACISË E PAAFTËSISË bujqit që HALLI I TYRE MOS KTHEHET SHPEJT HALLI I USHQIMIT TË GJITHË SHQIPËRISË!
