Sekretari amerikan i Shtetit Antony Blinken ka folur për udhëtimin e tij në Kiev, duke thënë se ishte një shans për të demonstruar fuqishëm mbështetjen e vazhdueshme të Amerikës për qeverinë ukrainase.
Ai thotë se gjatë takimit me zyrtarët në Kiev, presidenti i Ukrainës Zelensky shprehu vlerësimin e tij për udhëheqjen e Presidentit Joe Biden dhe bujarinë e SHBA-së ndaj Ukrainës, raporton BBC.
Blinken shton se Rusia po vazhdon të përpiqet të brutalizojë shumë zona të Ukrainës, por ukrainasit po qëndrojnë të fortë.
Zyrtari i lartë amerikan gjithashtu thotë se Moska po dështon në qëllimet e saj të luftës, ndërsa Ukraina po ia del.
Sekretari i Shtetit u shpreh edhe se një Ukrainë sovrane dhe e pavarur do të jetë shumë më e gjatë se sa do jetë në ‘skenë’ Vladimir Putin i Rusisë.
