Me ‘një anëtar një votë’, sot demokratët do të zgjedhin kryetarët e Partisë Demokratike në Maliq dhe në Bulqizë.
Ka nisur procesi i votimit për degën e PD-së Maliq. Janë 2 qendra votimi, një në qytetin e Maliqit dhe një në fshatin Pojan ku janë 2200 anëtarë me të drejtë vote.
Dy kandidatë përballë njëri-tjetrit janë Nevjon Kodrasi, sekretar i degës Maliq dhe aktivist në këtë parti prej vitesh, Elidon Lika, anëtar dhe aktivist i kësaj partie prej vitit 1990.
Procesi ka filluar normalisht dhe pritet një pjesëmarrje e lartë në këto zgjedhje ku Maliqi ka mbështetur fuqishëm grupin e Rithemelimit të PD.
Gjithashtu sot zhvillohen zgjedhjet edhe për kreun e Partisë Demokratike në Bulqizë.
Në garë janë tre kandidatë Defrim Fiku, Fatos Hoxha, Shaqir Manjani.
