Policia e Sarandës njofton se një shpërthim eksplozivi ka ndodhur sonte në një hotel.
Shpërthimi është ndjerë në hotel në lagjen numër 1 të qytetit jugor bregdetar.
Njoftimi i policisë:
Më datë 24.04.2022, rreth orës 21:45, në lagjen nr.1, Sarandë, në katin e parë të një hotelit, në pronësi të shtetasit N. Y., ka shpërthyer një sasi lënde, e dyshuar eksplozive, ku si pasojë ka vetëm dëme materiale.
Shërbimet e policisë kanë shkuar menjëherë në vendngjarje dhe po punojnë për zbardhjen e rrethanave të ngjarjes.
