Një person ka humbur jetën dhe disa të tjerë kanë mbetur të plagosur në Bosnje-Hercegovinë, si pasojë e tërmetit me magnitudë 5.6 që goditi mbrëmjen e djeshme.
Mediat vendase raportojnë se viktimë ka mbetur një 28-vjeçare, Elmira Sefo, ndërsa të plagosur mbetën prindërit e saj dhe motra, pasi një gur i madh i shkëputur nga një shkëmb prej tërmetit, goditi banesën e tyre në Stolaci, ku ishte dhe epiqendra e tërmetit. E reja mori plagë të rënda, ndërsa ndërroi jetë në spital.
Qytetarët në Bosnje Hercegovinë raportojnë se lëkundja ishte shumë e fortë, ndërsa një grua, 65-vjeçe ka treguar se ishte tërmeti më i fortë që ka përjetuar ndonjëherë.
Dëmet materiale të shkaktuara janë të shumta, teka autoritete kanë dalë në terren dhe kanë nisur inspektimet. Qindra njerëz janë larguar nga shtëpitë e tyre, prej frikës nga paslëkundjet, duke e kaluar natën jashtë.
Mostar večeras, nakon jakog zemljotresa u Hercegovini (BiH) pic.twitter.com/CkNYIkeYXF
— Istraga.ba (@IstragaB) April 22, 2022
Tërmeti u ndje shumë edhe në vendin tonë, ndërsa po ashtu edhe në Kosovë, Mal të Zi, Maqedoni e Veriut, Serbi, Itali, Slloveni dhe Kroaci.
