Një 34-vjeçar është denoncuar i zhdukur në policinë e Tiranës një ditë më parë. Sipas bluve, i riu ka probleme të shëndetit mendor.
“Shtetasja V.M., 52 vjeçe, ka kallëzuar se është larguar nga banesa dhe nuk është kthyer më nipi i saj, shtetasi E. T., 34 vjeç, i cili vuan nga probleme të shëndetit mendor”, thuhet në një njoftim të bluve.
Po punohet për gjetjen e tij, ndërsa materialet i kaluan Prokurorisë pranë Gjykatës së Rrethit Gjyqësor Tiranë për veprime të mëtejshme procedurale, shtuan të njëjtat burime.
Një ditë më parë policia bëri me dije se tre kallëzime ishin bërë po për zhdukje personash të Enjten.
Më herët gjatë javës një person i denoncuar i zhdukur u gjet i pajetë. Sipas një rindërtimi paraprak të ngjarjes, viktima, 36 vjeç, humbi jetën nga mbidoza.
