Edhe Durrësi ka zgjedhur kryetarin e ri të Partisë Demokratike. Pas një procesi që nisi në orën 07.00 të mëngjesit demokratët e Durrësit zgjodhën drejtuesin e tyre.
Do të jetë Igli Cara, ish-deputeti i kësaj partie ai që do të ketë peshën kryesore të çoj demokratët në fitore si në zgjedhjet e vitit që vjen, ato lokale, ashtu edhe në zgjedhjet e përgjithshme në 2025.
Njoftimi
Komisioni i Organizimit dhe Kontrollit të Operacioneve Elektorale të Partisë Demokratike njofton që është mbyllur procesi zgjedhor për zgjedhjen e kryetarit të Dega Durrës.
Pas numërimit të fletëve të votimit, Kryetar i PD Dega Durrës u shpall z. Igli Latif Cara me 57% të votave.
