Detaje të reja raportohen nga ngjarja e djeshme në fshatin Katund i Ri, Durrës, ku në orën 22:20 ka ndodhur dhe një shpërthim si pasojë e një sasie eksplozivi të vendosur në derën e dyqanit të efektivit të Policisë Hysen Gashi, 54 vjeç.
Nuk ka pasur asnjë person të pranishëm në objekt kur ka ndodhur shpërthimi. Lënda plasëse është hedhur në derën e jashtme të dyqani, ku ndodhet qepeni. Dyqani tregtonte ushqim për kafshët.
Shpërthimi ka qenë i frotë. Nga kamerat e sigurisë është zbuluar se ka qenë një automjet që ka kaluar me shpejtësi dhe ka hedhur eksplozivin.
Gashi aktualisht punon me forcat Shqiponja dhe ka deklaruar se nuk ka konflikte me askënd, dhe se dyshon se ngjarja mund të ketë ardhur për shkak të detyrës.
“Rreth orës 22:20, në fshatin Katund i të Ri, Durrës, në derën e jashtme të dyqanit të shtetasit H. G., 54 vjeç, është vendosur dhe ka shpërthyer një sasi e vogël lëndë plasëse. Si pasojë është dëmtuar vetëm qepeni i jashtëm i derës së dyqanit. Grupi hetimor ndodhet në vendngjarje dhe po punon për sqarimin e rrethanave të ngjarjes, identifikimin dhe kapjen e autorit”, thuhet në njoftimin paraprak për ngjarjen.
Lexo edhe:
I shpërthyen lokalin me tritol, flet vëllai i policit: Nuk kemi konflikte me askënd
