Kryeministri Edi Rama vijon show-n! Së fundmi Rama ka postuar në Tik Tok një video, ku shfaqet duke pirë ujë nga çezma, por jo vetëm kaq.
Ai duket se ka sfiduar deputeten e PD, Jorida Tabaku, pas debatit që patën në Kuvend një ditë më parë, sa i përket konsumit të ujit të pijshëm në çezmat e shtëpive në Tiranë.
Pas komenteve të deputetes Tabaku e cila tha se uji në Tiranë nuk është i pijshëm, kryeministri Rama reagoi duke thënë se ai do të pijë ujë nga çezma dhe videon do e postonte në “Tik-Tok”.
“Ua sa i mirë që qenka. Jorida për të mira, pi dhe ti ujë Tirane”, shprehet Rama pasi pi gotën e ujit.
Ndërkohë që të njëjtën gjë ka bërë edhe gjatë inspektimit të një fabrike në qytetin e Lezhës, ku ka pirë sërish ujë nga çezma.
Në fakt Rama ka harruar një detaj, pasi uji në tubacionat e UKT është me orar, dhe ai depozitohet në depozita pallatesh, që përmes pompash kalon në tubacionet e çdo familjeje. Dhe për këto depozita, që mund të jetë të përbashkëta apo individuale, nuk ka kontrolle përsa i takon higjenës apo pastërisë.
@ediramatiktok Gëzuar Jorida pi uj Tirone💃🏻💦
