Tre persona janë kallëzuar të zhdukur në policinë e Tiranës gjatë ditës së Enjte.
“I.M., 45 vjeç, ka kallëzuar se është larguar nga banesa dhe nuk është kthyer më xhaxhai i tij Xh.M., 81 vjeç, i cili vuan nga probleme të shëndetit mendor”, njoftuan blutë.
Në një tjetër rast, është kallëzuar zhdukja e një vajzë të mitur. “Gj.N. 35 vjeç, ka kallëzuar se është larguar nga banesa dhe nuk është kthyer motra e tij E.N., 17 vjeçe”, bëjnë më dije blutë.
Një tjetër kallëzim ka qenë ai i 59-vjeçarit me iniciale K.P. i cili ka deklaruar se është larguar nga banesa dhe nuk është kthyer më vëllai i tij P.P., 49 vjeç.
Policia njoftoi se pas marrjes së kallëzimeve ka nisur puna për gjetjen e personave të denoncuar të zhdukur.
