Romelu Lukaku mund të rikthehet në Milano, por këtë herë në anën tjetër të qytetit, te skuadra e Milanit.
Lajmi raportohet nga mediat sportive angleze, të cilat theksojnë se grupi i investitorëve të rinj do të donin transferimin e bomberit belg, si goditjen e tyre të parë në merkato.
Sipas tyre, investitorët arabë janë të gatshëm të plotësojnë kërkesat e Lukakut, i cili duket se e ka ndarë mendjen për t’u larguar nga Chelsea. Megjithatë, situata që Chelsea po kalon me presidentin e saj Roman Abramovich, si dhe bllokimi i shitblerjeve te londinezët, mund ta vështirësojnë punën e finalizimit të këtij operacioni.
