Një ngjarje e rëndë ka ndodhur në Greqi, ku një person ëhstë gjetur i vdekur në një nënstacion elektrik. Ngjarja ndodhi në Poseidonos Avenue.
Sipas Protothemës, burri tentoi të vidhte materiale nga një transformator dhe u godit nga rryma. Më herët, zjarrfikësja tha se shkak i mundshëm i vdekjes së burrit konsiderohet goditja elektrike.
Më herët në vendin e ngjarjes tragjike kanë shkuar gjashtë zjarrfikës me dy automjete. Hetimet paraprake pritet të kryhen nga policia për të sqaruar shkaqet e sakta të vdekjes.
Vitet e fundit, vjedhjet e transformatorëve janë bërë një fenomen i zakonshëm. Policia, duke vendosur një sistem sigurie në objektet kritike, po përpiqet të zgjidhë problemin.
