Një person është gjendur i vdekur në rrugë në Tiranë.
Ngjarja ka ndodhur pasditen e kësaj të premte dhe është policia e kryeqytetit ajo që njofton se bëhet fjalë për shtetasin F.K, 51 vjeç, i cili është gjendur në rrugën “Ali Shefqeti”.
Sipas policisë nga këqyrja e momentit nuk janë rezultuar shenja dhune dhe dyshimet janë se vdekja ka ardhur si pasojë e një arresti kardiak.
Informacion paraprak
Më datë 22.04.2022, në rrugën “Ali Shefqeti”, ka ndërruar jetë shtetasi F. K., 51 vjeç.
Nga këqyrja paraprake nuk janë konstatuar shenja dhune dhe dyshohet se vdekja ka ardhur si pasojë e një arresti kardiak.
Grupi hetimor ndodhet në vendngjarje dhe po punon për sqarimin e rrethanava të ngjarjes.
