Ish-kryeministri Edi Rama ka zbuluar këtë të Premte një nga emrat e mundshëm që sipas tij, Rama kërkon të instalojë në postin e kreut të shtetit.
Në një prononcim për mediat këtë të Premte, ish-kryeministri përmendi emrin e Vali Bizhgës.
Ndërkohë, procesin që PS e quan konsultim për zgjedhjen e Presidnetit, Berisha e cilësoi tipik të Cosa Nostras.
“A keni dëgjuar ndonjë emër se kush ka dalë nga zarfat”, pyeti Berisha, duke iu referuar votimit të deputetëve socialistë në mbledhjen e fundit të grupit parlamentar të PS.
“2/3 i kanë shkuar Vali Bizhgës. Në një kohë kur emri i saj nuk figuron në asnjë zarf. Prisnin kur të vijnë zarfet e shoqërisë civile. S’po e avancoj emrin, por prisni se do ua them javës tjetër”, tha Berisha.
Sipas tij, Rama e di që është në prag të disfatës elektorale dhe synon më pas të zgjidhet president pas dorëheqjes së kandidates së caktuar prej tij.
“Ky është një proces qesharak dhe joserioz është bërë nga Edi Rama. Po kërkohet kandidati që në prag të disfatës së tij elektorale të japë dorëheqjen (Presidneti që do zgjidhet nga Rama) dhe ai (Edi Rama) të bëhet president. I them se nuk pranohesh president me skema të tilla mafioze”, shtoi ish-kryeministri.
Sipas Berishës, Rama do të bëhet president për ti shpëtuar përgjegjësisë ligjore nga afera e inceneratorëve. “Ai mendon se si të kalojë nga kryeministër në President. Por i them gjë sot se ajo nuk do të ndodhë. Thuhet se ka filluar të ketë telefonata nga Bllako, ato janë punët e tyre. Bllako është vetëm një kapterr ku gjeneralë janë Edi Rama, Agaçi e të tjerë”, tha Berisha.
Vali Bizhga është shefja e kabinetit të kryeministrit Edi Rama. Ajo ka punuar me Edi Ramën si zv.kryetare e Bashkisë kur ai drejtonte Bashkinë e Tiranës. Pas kësaj kohe, pati një tërheqje nga punët politike dhe ekzekutive. Derisa në 2013, pas fitores në zgjedhjet e përgjithshme në Shqipëri, Rama e vendosi në krye të kabinetit të tij. Pozicion që Bizhga vazhdon ta mbajë dhe sot.
